شرح المضارع البسيط ( تصريف Verb to be)

 أول زمن هنتكلم عليه هو زمن المضارع البسيط

 بنقول عليه      Simple Present Tense:

المضارع البسيط من اكثر الأزمنه استخداما في اللغه الأنجليزيه

المضارع البسيط عباره عن:

الفعل ( Verb ) + (s) or (es) or (ies)	الفاعل ( Subject)
الفعل (verb) + بدون أضافات

• المضارع البسيط بيتكون بطريقه بسيطه جدا :

الفاعل ثم يأتي بعده الفعل.

• الفعل ده يا أما يكون في المصدر بدون أضافات مع أنواع معينه من الفاعل.

• يا أما يكون الفعل في المصدر مع الأضافات (s, es,ies) مع أنواع تانيه من الفاعل.    

لكن مع ذلك فيه فعلين مهمين جدا ومش بتنطبق عليهم القاعده اللي فاتت

لكن لهم تصريف مميز في المضارع البسيط وهو:

  تصريف المضارع البسيط

: (Be)  معناه يكون

(Have) : معناه يمتلك 

الفعلين دول بيتصرّفوا بشكل خاص .

• يلا نبدأ المضارع البسيط بالفعلين دول:

( Be -   Have )

هنبدأ أولا مع فعل يكون(Be):

هنتكلم عن 3 أقسام مع كل فعل هي:

(تصريف الفعل  - نفي الفعل - تكوين السؤال)

هنتعلم أزاي نصرّف فعل Be   في المضارع البسيط :

I          am                 أنا أكون

He       is                   هو يكون

She      is   هي تكون              

It         is       هو أو هي تكون لغير العاقل

We        are                 نحن نكون   

They     are                 هم يكونوا

They     are                هن يكونوا

They     are        هم/هن يكونوا لغير العاقل

You      are أنت تكون               

You      are                أنتم تكونوا

تصريف فعل يكون في المضارع البسيط

• ده جدول لتصريف فعل يكون بطريقتين الأولي بدون أختصار والثانيه بالطريقه المختصره.

تصريف Verb To Be
I'm	Am	I
He's	Is	He
She's		She
It's		It
We're	Are	We
They're		They
You're		You
You're		You

• معلومه مهمه جدا

دايما فعل (be)  بيأتي وراه أسم أو صفه ...

يعني أيه؟؟
يعني مثلا لو عايز أقول:

•   أنا مدرس
  

مدرس أسم...... يبقي لازم نستخدم فعل (Be)  قبل كلمه مدرس.

يبقي الجمله المفروض تكون....انا أكون مدرس

نترجمها أزاي؟؟

•   أنا يعني (I)

•   يكون يعني (Be)....لازم نصرفها مع الفاعل اللي هو أنا 

I  بتاخد  (Am)

•   مدرس يعني Teacher

تبقي الجمله:

( I am a Teacher )

•   هو ذكي. 

ذكي صفه...... يبقي لازم نستخدم فعل (Be) قبل كلمه ذكي.

يبقي الجمله المفروض تبقي .....هو يكون ذكي

نترجمها أزاي؟؟

•  هو يعني  (He)

•    يكون يعني (Be)....لازم نصرفها مع الفاعل ) هو )

He    بتاخد (is).

•    ذكي يعني (Smart)

تبقي الجمله:

(He is Smart)

مثال أخير

• سعيد وأحمد طوال القامه.

طويل القامه صفه  يعني (Tall)    يبقي نستخدم فعل (Be)....... نصرفها مع الفاعل ( سعيد وأحمد)

نلاحظ  أن سعيد وأحمد ده فاعل (جمع) بالتالي نستخدم Are

تبقي الجمله:

(Ahmed and said are tall)

وهكذا مع باقي أنواع الفاعل...

هناخد شويه أمثله كمان...

Examples:

 

معناها	الجمله
أنا ذكي	I am smart
هو صغير	He is young
هي شجاعه	She is brave
نحن طلاب	We are students
هم مدرسين	They are teachers
أنتم أغنياء	You are rich

 

أن شاء الله الدرس القادم سوف يكون عن نفي المضارع البسيط.