الدرس الأول : الحروف الأنجليزيه

الحروف الأنجليزيه The English Alphabet

أول حاجه هنبدأ بيها في دروس اللغه الأنجليزيه هي الحروف ...والحروف في الأنجليزي بتتكتب بطريقتين:

• يا أما كبيره وبنقول عليها (Capital) يا أما صغيره وبنقول عليها  (Small)

هنبدأ الأول بالحروف الكبيره :

الحروف بتتكتب بشكل كبير بالطريقه دي.

A , B , C , D , E , F, G , H , I , J , K , L , M , N , O , P , Q , R , S , T , U , V , W , X , Y , Z

الحروف الأنجليزيه بكتابه كبيره

ثانيا الحروف الصغيره :
الحروف بتكتب بشكل صغير بالطريقه دي.

a , b , c , d , e , f , g , h , i , j , k , l , m , n , o , p , q , r , s , t , u , v , w , x , y , z

الحروف الأنجليزيه بكتابه صغيره 

• في اللغه الأنجليزيه الحروف متقسمه نوعين:

•  حروف متحركه أو أصوات متحركه بنقول عليها ( Vowel Sounds)

 

• أو حروف ساكنه وبنقول عليها بالأنجليزي (Consonant Letters)

يعني أيه حروف متحركه؟؟

الحروف المتحركه في اللغه الأنجليزيه

• الحروف المتحركه دي هي الحروف اللي بتتنطق بالفم من غير ما نستخدم اللسان ( Tongue ) او الأسنان  ( Teeth ) أو الشفايف ( Lips ) في أننا نقفل الفم ..... الحروف دي هي :

(A, E, I, O, U )  الحروف دي لو حاولت تنطقها هتلاقي أنك مش بتستخدم اللسان او الأسنان أو الشفاه.


الحروف دي لازم تتحفظ عن ظهر قلب..لأنهم مهمين جدا

أما الحروف الساكنه فهي باقي الحروف..

السؤال المهم بقي هو : أمتي نستخدم الحروف الكبيره ؟؟

• أول حرف في أي جمله لازم يبقي كبير..

 Learning English is useful

معناها ( تعلم اللغه الأنجليزيه مفيد ).
نلاحظ أن أول حرف في الجمله (L) مكتوب بشكل كبير  (Capital)

• كمان أول حرف في الأسماء الأتيه لازم يبقي كبير : 

 الدول ...مثل (Egypt......  مصر) ...... ( England.... أنجلترا )

 الجنسيه ...مثل (American أمريكي ) ..... (Italian.... أيطالي)

 اللغه..  مثل (Arabic عربي )......( Spanish ......أسباني)

 المنظمات ....مثل (United nations الأمم المتحده ) ...

 الأيام ...مثل      (Friday الجمعه ) .... ( Saturday....السبت )

 الشهور....مثل    (April أبريل ).....( March.....مارس)

( عناوين الكتب ..مثل Journey To The Center Of The Earth ) ومعناها رحله لمركز الأرض.

و أخيرا الأختصارات ...مثل CD.....DVD

• نتمني يكون الدرس الأول كان سهل ...حاولت علي قد ما أقدر أبسط الموضوع للمبتدئيين وأن شاء الله ميعادنا مع الدرس التاني قريبا ..