 |
| مقدمه عن مدونة Englizy 4 arab |
مقدمه عن المدونه
السلام عليكم ورحمة الله وبركاته :- في البدايه أنا أسمي شريف محمود بشتغل محاضر لغه أنجليزيه بقالي أكتر من 7 سنين ولدي دبلومه من الجامعه الأمريكيه في تدريس اللغه الأنجليزيه كلغه أجنبيه. قررت أني أنشئ المدونه دي لمساعدة الناس اللي عايزه تتعلم أنجليزي وفي نفس الوقت شايفه أن الموضوع ممكن يكون صعب أو مش لاقيه وقت, وبرده تعتبر مفيده لطلبه المدارس أنها تكتسب اللغه الأنجليزيه بشكل مبسط وجميل ...
- وأيا كان السبب اللي بيدفعك لتعلم اللغه الأنجليزيه سواء كان ده بسبب حبك للغه أو بسبب أنك عايز تطور نفسك أكثر عشان تتناسب مع سوق العمل اللي أصبح بيشترط اللغه الأنجليزيه في كل مجالاته, فالواقع بيقول ان اللغه الأنجليزيه أًصبحت ضروره لا مفر منها حتي أن البعض ممكن يشوفها علي أنها شر لابد منه لأن اللغه دلوقتي بقت جزء من العلم والتكنولوجيا حتي في حياتنا اليوميه.
- فبأذن الله هحاول علي قد ما أقدر أني أبسط اللغه وأحبب الناس فيها وأساعد الناس كلها سواء كانوا طلبه أنهم يوصلوا فيها لأعلي الدرجات أو اللي حابين أنهم يوصلوا لمستويات عاليه في اللغه فالمدونه دي ممكن تكون خطوه مهمه وممكن تختصرلهم وقت وفلوس كتير في سبيل الوصول للمستوي اللي هم حابينه...
ليست هناك تعليقات:
إرسال تعليق